№037/479 25sentyabr 2010-cu il



Mətbuat Xidmətinin

Məlumatı



Vüqar Bəyturan(Oruc) Əhməd Vəliyevin addımını təqdir etdi



Vüqar Bəyturan(Oruc):”YAP-ın istənilən namizədi 31-ci seçki dairəsində qalib ola bilməyəcək””



31 saylı Suraxanı Seçki Dairəsindən YAP-ın vahid namizədi, Odlar Yurdu Universitetinin rektoru Əhməd Vəliyev namizədliyini geri götürüb. Bunu gözlənilməz addım kimi qiymətləndirsələr də, həmin dairədən namizədliyini irəli sürmüş MQP başqanı Vüqar Bəyturan fərqli fikirdədir. Sözügedən məsələyə münasibət bildirən MQP lideri aşağıdakıları söyləyib:” İmza yığan tərəfdarlarımın məlumatları əsasında onu deyə bilərəm ki, Əhməd Vəliyevə seçicilərin münasibəti kəskin şəkildə mənfi olub, görünür ki, YAP-çı namizəd elə buna görə də əvvəlcədən nəticəsi bəlli olan yarışa girməkdən imtina edib. Hər halda, bu addımı təqdir edir, seçicilərin mövqeyi ilə hesablaşma faktı kimi qarşılayıram. YAP-ın yeni namizədinin kim olacağına gəldikdə isə, bu o qədər də önəmli deyil. Bu dairədən namizədliyini irəli sürəcək istənilən YAP-çı seçkidə qalib gəlmək imkanlarına malik deyil. Seçicilərin əksəriyyəti “seçilmişəm” deyib, qələbəsini reallaşdıra bilməyən müxalifətçilərə və sifarişlə göndərilən hakimiyyət nümayəndələrinə deyil, yeni qüvvə təmsilçilərinə və eləcə də onların problemlərini bilən bir namizədə səs verməyə meyllidirlər”.



Mətbuat Xidmətinin

rəhbəri: Kənan Göytürk