Ayhan Dəmirçi: ”Bundan sonra da davamlı olaraq Azərbaycan mədəniyyətinin avropada tanıdılması istiqamətində fəaliyyətimiz davam etdirəcəyik”

Bu günlərdə Azərbaycan-Belçika Dostluq Cəmiyyəti Azərbaycan mədəniyyətinin tanıdılması istiqamətində daha bir iş görüb. Cəmiyyət hər il qeyd edilən Belçikanın Ham şəhər bayramında ilk dəfə olaraq Azərbaycan mədəniyyəti haqqında Belçika insanına məlumatlandılırıb. Bu haqda məlumatı cəmiyyətin başqanı, fəal diasporçu Ayhan Dəmirçi verib.

Fəal diasporçu Bayram şənlikləri üçün ayrılan ərazidə üzərində Azərbaycan bayrağının dalğalandığı çadırın qurulduğunu qeyd edərək, ziyarətçilər çadırda Azərbaycan mədəniyyəti, turizmi və iqtisdaiyyatı ilə bağlı kitab və broşürlərlə tanış olmuş və milli mətbəximizin nümunələrindən olan plov və dolmanı dadmışlar. Bayram şənliklərinə 10 minə qədər ziyarətçi qatılmışdır. Ham şəhər bələdiyyəsinin İnteqrasiya dipartamentinin rəhbəri Gunter Gens bölgədə yeni bir mədəniyyəti tanıtdıqları üçün Azərbaycan-Belçika Dostluq Cəmiyyətinə təşəkkür etmiş və bü cür fəaliyyətlərin gələcəkdə də davam etdirilməsini arzu etmişdir.

Ayhan Dəmirçi digər açıqlamasında bu yöndə işlərin davam olacağını söylədi: “Bundan sonra da davamlı olaraq Azərbaycan mədəniyyətinin avropada tanıdılması istiqamətində fəaliyyətimiz davam etdirəcəyik” , deyə bildirdi.



Elnur Eltürk