№037/479 21sentyabr 2010-cu il



Mətbuat Xidmətinin

Məlumatı



Vüqar Bəyturan(Oruc) imzatoplama kampaniyasına start verdi



Vüqar Bəyturan(Oruc):”Əli Kərimli və tərəfdarları müxalifətin birliyinə vurduğu zərbələrə ara verib,öz seçki kampaniyaları ilə məşğul olsun”



Milli Qurtuluş Partiyasının rəhbərliyinə daxil olanlardan MQP başqanı Vüqar Bəyturan(Oruc) və MQP başqanının siyasi məsələlər üzrə yardımçısı Xaqani Emin müvafiq olaraq 31 saylı Suraxanı ikinci və 21 saylı Nəsimi birinci seçki dairələrindən namizədlikləri təsdiqləndikdən sonra imza vərəqələrini götürərək, imzatoplama kampaniyasına start verib. İmzatoplama kampaniyasının uğurla başlandığını bildirən MQP lideri 31 saylı Suraxanı Seçki Dairəsindən namizədliyini irəli sürən digər namizəd-AXCP-Müsavat Seçki Blokunun nümayəndəsi AXCP sədri Əli Kərimlinin bəzi tərəfdarlarının mətbuata verdiyi açıqlamalara da münasibət bildirib. Vüqar Bəyturan deyib:” Biz seçki dövründə müxalifət blokları arasında qarşıdurmanın əleyhinə olan bir qüvvə kimi AXCP nümayəndələrinin mənim əleyhimə verdikləri açıqlamalardan təəsüfləndiyimizi bildiririk. Mənim namizədliyimi sifarış adlandırmağın və siyasi etikaya uyğun hesab etməməyin özü siyasi etikanın kobud şəkildə pozulması nümunəsidir. Bir daha bəyan edirəm ki, Milli Qurtuluş Partiyasının AXCP və AXCP-Müsavat Bloku qarşısında öhdəlikləri yoxdur, 31 saylı dairə də heç kimin, o cümlədən Əli Kərimlinin adına yazılmayıb. Mənim bu dairədən namizədliyimi irəli sürməyimi və Demokratiya Uğrunda İttifaqın məni dəstəkləməsini müxalifətin birliyinə problem kimi görənlər bir müddət əvvəl DUİ-Müsavat-AXCP birliyinin alınmasını əngəlləməklə real müxalifətin birlik ümidlərinə ən ciddi zərbəni endirdilər. Yaxşı olardı ki, Əli Kərimli və tərəfdarları müxalifətin birliyinə vurduğu zərbələrə ara verib, öz seçki kampaniyaları ilə məşğul olsunlar”.





Mətbuat Xidmətinin

rəhbəri: Kənan Göytürk