№033/475 20 avqust 2010-cu il



Mətbuat Xidmətinin

Məlumatı



Milli Qurtuluş Partiyası parlament seçkilərini boykot edə bilər



Asif Ozan:” Böyük Məclisin üzvləri arasında boykot tərəfdarları meydana gəlib və mən də onlardan biriyəm”



MQP Böyük Məclisinin başqanı Asif Ozan parlament seçkiləri ərəfəsindəki durumla əlaqədar bəyənatla çıxış edib. Bəyənatda deyilir:” MQP-nin parlament seçkilərində iştirakla bağlı qərarı olsa da, son siyasi situasiya partiya rəhbərliyində müxtəlif və fərqli fikirlərin ortaya çıxmasına səbəb olub. Böyük Məclisin üzvləri arasında boykot tərəfdarları meydana gəlib və mən də onlardan biriyəm. Biz belə hesab edirik ki, seçki qanunları təkmilləşdirilmədən, MSK-nın tərkibi paritet əsaslarla təşkil olunmadan və normal mübarizə mühiti yaradılmadan seçkilərdə iştirak mənasızdır, hakimiyyətin saxta seçkilərinə legitimlik gətirməkdən başqa bir şey deyil. Eyni zamanda müxalifət daxilindəki oyunlar, bəzi siyasi liderlərin oyunbazlığı və şəxsi mənafelərini milli maraqlardan üstün tutması nəticəsində böyük birliyin alınmaması, bu dəfə də prosesin dar çərçivədə və proyekt maraqları üçün yönəldilməsi qarşıdakı siyasi prosesdə iştirakın əhəmiyyətsizliyini ortaya qoyur. Biz MQP rəhbərliyində boykot istiqamətində müzakirələrin aparılmasını tələb edirik və partiyamızı iqtidarla öz müxalifətinin növbəti siyasi şousunda iştirak etməməyə çağırırıq”.



Mətbuat Xidmətinin

rəhbəri: Kənan Göytürk