Dünya Azərbaycanlıları Konqresi Gənclər Təşkilatı XXI əsrin Milli Qəhrəmanı, Şəhid Mübariz İbrahimovun 200 ədəd A3 formatında, yapışqanlı rəsimlərini hazırlatdırıb. Məqsəd Milli Qəhrəmanımızla bağlı ictimai aktivliyi daha sürəkli hala gətirməkdir.

Bu istiqamətdə 21 iyul tarixində həyata keçirilən tədbir və həmin tədbirin ANS televiziyası ilə bir neçə dəfə işıqlandırılması, Günaz TV tərəfindən xüsusi film halında təqdim olunması və dövlət tərəfindən məsələnin ictimailəşdirməsi istiqamətində atdığımız addımlarla bağlı müxtəlif təşəkkürnamələr edilən işləri nəticəsiz qoymadı. Şəhidimizin Milli Qəhrəman statusu ölkə başçısı tərəfindən rəsmiləşdirildi.

Onun Şəhid olduqdan sonra yayılmış fotoları ilə bağlı Gənclər Təşkilatı olaraq səkkiz dildə bəyanat da yayımladıq. Həmin bəyanat müxtəlif səfirliklərə və beynəlxalq təşkilatla göndərildi. Rəsimlərin yayıldığı sosial şəbəkənin fəaliyyəti ilə bağlı cəmiyyətə müraciət də etdik. Buna baxmayaraq Şəhidin cismi hələ də ermənilərin əlindədir. Bu istiqamətdə mücadiləmiz davam edir.

Cəmiyyəti məsələ ilə əlaqədar daha sürəkli hala gətirmək, döyüş ruhunu yüksəltmək məqsədilə Qəhrəmanımızın rəsimlərini hazırlatdırmışıq. Bundan başqa daha bir məqsədimiz artıq müxtəlif strukturlarla aparılan danışıqlara hesablanıb ki, bu da Şəhidimizə ikiqat Milli Qəhrəman statusnun verilməsidir. Ölümündən öncə və ölümündən sonra. Bizim fikrimizə görə Mübariz İbrahimov buna ən layiqli Qəhrəmandır.

Ermənistan adlanan qondarma bir respublikada dövlət səviyyəsində üç gün matəm elan etdirən bir igidi yalnız Türk anası dünyaya gətirə bilərdi. Əllərindən öpüləcək bu anaya eşq olsun!!!

Aysel ARAZ