№032/474 31 iyul 2010-cu il



Mətbuat Xidmətinin

Məlumatı



MQP həbsləri pisləyir və həbs olunanların azadlığa buraxılmasını tələb edir





Bu gün Demokratiya Uğrunda İttifaqda təmsil olunan Milli Qurtuluş, Klassik Xalq Cəbhəsi, Azadlıq, Xalq, Böyük Azərbaycan partiyalarının, Müsavat Partiyası və AXCP-nin birlikdə təşkilatçılıqları ilə keçirilməsi nəzərdə tutulan mitinqin qarşısı polis tərəfindən zorakılıqla alınıb. MQP Mətbuat Xidmətinin əldə etdiyi məlumata görə, həbs olunanların sayı ümumilikdə 200 nəfəri keçib. MQP fəalları Yusif Əli, Rüfət Əhmədzadə, Xanəli Eynulla, Arzuman Əhmədli və Novruz Əhmədli həbs olunanlar sırasındadır. MQP başqanı Vüqar Bəyturan saxlanılsa da, bir müddət sonra azad olunub. Həbs olunanlar Səbayel Rayon Polis İdarəsinə aparılıb. Bu dəfə də polis media nümayəndələrini də həbs etməkdən çəkinməyib.

Baş verən həbs və zorakılığa etiraz edərək bəyanatla çıxış edən MQP Siyasi Şurası həbs edilənlərin təcili azadlığa buraxılmasını tələb edib.



Mətbuat Xidmətinin

rəhbəri: Kənan Göytürk