№031/473 28 iyul 2010-cu il



Mətbuat Xidmətinin

Məlumatı



Vüqar Bəyturan LİNKS-in eksperti Elin Kinnanderlə görüşüb



Milli Qurtuluş Partiyasının başqanı Vüqar Bəyturan Avropa Birliyinin “Dağlıq Qarabağ münaqişəsinin sülh yolu ilə həlli üçün Avropa Əməkdaşlığı” layihəsi çərçivəsində LİNKS təşkilatının eksperti Elin Kinnanderlə görüşüb. Görüşdə ekspert Qarabağ probleminin həlli istiqamətində ortaya çıxan suallarla bağlı Milli Qurtuluş Partiyasının mövqeyini öyrənib. Vüqar Bəyturan ATƏT-in Minsk Qrupunun fəaliyyətini, bu qrupda həmsədrlik edən ölkələrin ədalətli mövqe tutmamasını kəskin pisləyib, Madrid prinsiplərinin əslində Qarabağın itirilməsinə aparan mərhələli yol olduğunu deyib. MQP lideri Ermənistanın işğal etdiyi rayonları boşaltması, Dağlıq Qarabağa olan iddialarından əl çəkməsi şərtləri ödənərsə, problemin sülh yolu ilə həll olunacağını mümkün saydığını bildirib. Münaqişənin yaranmasında və saxlanılmasında Ermənistandan çox Rusiyanın maraqlı olduğunu qeyd edən partiya rəhbəri Avropa dövlətlərini və ABŞ-ı məsələyə ədalətli və obyektiv yanaşmağa çağırıb.





Mətbuat Xidmətinin

rəhbəri: Kənan Göytürk