Dünya Azərbaycanlıları Konqresi Gənclər Təşkilatı 19 iyun 2010-cu il tarixində erməni tərəfə keçərək kütləvi sayda düşmənin canlı qüvvəsini məhv edən Şəhid Mübariz İbrahimovun xatirəsinə həsr olumuş tədbir keçirəcək. Tədbirdə Şəhidin qəhrəmancasına həlak olması, cisminin hələ də Azərbaycan tərəfə qaytarılmaması, dövlət tərəfindən Milli Qəhrəman statusnun verilməsi kimi məsələlər müzakirə olunacaq. 20 İyul saat 15-00-da Dünya Azərbaycanlıları Konqresinin mərkəzi ofisi İstiqlaliyyət 8 ünvanında keçiriləcək tədbirə gənclərlə yanaşı, ictimai xadimlər, ziyalılar da qatılacaq. Mətbuat və televiziya qurumlarının iştirakı ilə gerçəkləşəck tədbirə təşkilati, siyasi, dini, etnik mənsubiyyətindən asılı olmayaraq Azərbaycanda nəfəs alan hər kəs dəvətlidir.