Bu gün dünyanın hər yerində yaşayan soydaşlarımızın təşkilatlanması ilə bağlı gözəl bir xəbər alanda sevinirik. Çünki xaricdə təşkilatlnamış diaspor qurumlarınızın fəaliyyət göstərməsi, ölkəmizin beynelxalq arenada mövqelərinin güclünməsinə səbəb olur. Xüsusilə Azərbaycan azadlığını əldə etdikdən sonra, xaricdə yaşayan azərbaycanlılar bütün güclərini bir araya gətirərək, öz təşkilatlatlarını yaratdılar. Hazırda fədakar insanlarımızın sayəsində təşkilatlanma prosesi sürətlə gedir.

Bu günlərdə İsveçin Malmo şəhərində Vahid Azərbaycan Dərnəyinin yaranıb.Vahid Azərbaycan Dərnəyi noyabr ayında yaranmasına baxmayaraq, qısa müddət ərzində öz ətrafına xeyli sayda insanı toplaya bilib. Onuda qeyd edək ki, təşkilat yerli hökümət tərəfindən qeydiyyatdan keçərək, rəsmi şəkildə fəaliyyət göstərir.

Bu haqda ətfalı məlumatı dərnəyin sədri Ayə Çoşkun bildirib. Ayə Çoşkun qəzetimizə verdiyi məlumatda onu qeyd edib ki, belə bir təşkilatın avropanın inkişaf etmiş ölkəsi olan İsveçdə fəaliyyətə başlaması, orada yaşayan soydaşlarımızın təşkilatlanmasında öz müsbət göstərini göstərə bilər: “Bu gün dünyanın başqa ölkələrində yaşayan soydaşlarımız imkanları daxilində təşkilatlanmalıdırlar. Vahid Azərbaycan Dərnəyi Azərbaycan həqiqətlərini dünya içtimaiyyətinə çatdırılması, qan yaddaşımız olan Qarabağımızla bağlı avropada düzgün informasiyanın yayılmasını, o taylı, bu taylı azərbaycan insanın səsinin beynelxalq miqyasda tanınması, milli mədəniyyətimizi, musiqimizi olduğu kimi çatırılmasını özünə prioritet seçib. İndi Azərbaycan diasporu gücləndirmək üçün, belə bir qurumlarlarımızın yaranması, heç bir ayrı-seçkilik etmədən hədəfə doğru gedəcəyik” deyə, Ayə Çoşkun bildirib.

Xüsusilə dərnəyin başqanı ona öz mənəvi dəstəklərini göstərdiklərinə görə, Danimarkada fəaliyyət göstərən Azərbaycan-Türk Qadınlar Cəmiyyətinin başqanı Anaxanım Hüseynovaya, İsveçin Malmo şəhərində fəaliyyət göstərən “Azər” Cəmiyyətinə,“Balkoç” dərnəyinə öz təşəkkürlərini çatdırdı. Bundan sonrada belə qurumlarla birgə fəaliyyətlər göstəcəklərini qeyd etdi.

Dərnəyin açılış mərasimində Azərbaycanın tanınmış müğənnəsi, əməkdar artist Aygün Bəylər iştirak edib və öz ifaları, xalq musiqiləri zalda əyləşənləri məftun edib. Aygün xanım dünya Azərbaycanlılarının təşkilatlanması bir incəsənət xadimi olaraq onuda ürəkdən sevindirdiyini, tədbir iştirakçılarının nəzərinə çatdırdı.



Elnur Eltürk