Ukraynanın bəzi dövlət və içtimai xadimləri “Azərbaycan Dünyası” jurnalı və Beynelxalq Dədə Qorqud Fondu tərəfindən “Vətən Övladı” qızıl medalı və Beynelxalq “Dədə Qorqud” mükafatı ilə təltif olunacaqlar. Təqdim etmə mərasimində Azərbaycanın Ukraynadakı səfiri Tələt Əliyev, Beynelxalq Dədə Qorqud Fondu və “Azərbaycan Dünyası”jurnalının baş redaktoru Eldar İsmayılov, Ukrayna Azərbaycanlıları Konqresi sədri İlqar Abbasov, Zaporji, Donetsk şəhərlərində fəaliyyət göstərən diaspor rəhbər, fəalları iştirak edəcəklər. Bu haqda media məlumatı Beynelxalq Dədə Qorqud Fondunun prezidenti və “Azərbaycan Dünyası” jurnalının baş redaktoru Eldar İsmayılov verib. Eldar ismayılov fikirlərini davam etdirərək bunları bildirib: “Bizim əsas məqsədimiz odur ki, Ukraynada ölkəmizi sevən, iki dövlət arasında əlaqələrin güclənməsində çalışan şəxsləri fondun təsis etdiyi ordenlərlə mükafatlandıraq. Bu bizim fondun və jurnalın fəaliyyətimizin ana xəttidir. Eyni zamanda xarici ölkələrdə Azərbaycana dost qazandırmaqdı. Neçə illərdir ki, bu sahədə çalışmalarımızı davam etdiririk. Bundan sonrada fəaliyyələrimizi bu istiqamətdə davam etdirəcəyik. Mükafatlandırılan şəxslərin Azərbaycanla bağlı gördüyü işləri, xalqımıza olan gözəl münasibətləri yaxından öyrənildikdən sonra jurnalın idarə heyətinin sədri, akademik Arif Paşayev cənabları başda olmaqla fondumuzun digər üzvləri ilə bir yerdə kollegial qərar qəbul edildi ki, mükafatlar bu insanlara təqdim edilsin. Bununla yanaşı Ukraynada müxtəlif sahələrdə təhsil alan 8- gəncimiz fondun diplomları ilə mükafatlandırılacaqlar. Təqdim etmə mərasimi ilə paralel olaraq, diaspor üzvlərimizdə görüşlərimiz baş tutacaq və diasporun təşkil etdiyi festivalda da iştirak edəcəyik” deyə, Eldar İsmayılov bildirdi.



Mükafata laiq görülənlər bu şəxslərdi - Zaporoji şəhər dumasının depuatı Dünyamın Saatov, şəhərin qubernatoru Yevgeni Kartoşov, Yalta Sanatoriyasının baş həkimi Ustajani Vitalik Petrovic.



Eldar İsmayılov sonda da onu qeyd etdi ki, Zaporoji, Donetski, Yaltanın Sakiski şəhərlərində baş tutan görüşlərdən sonra, paytaxt Kiev şəhərində mətbuat konfransı keçiriləcək. Mətbuat konfransında bir müddət bundan öncə, “Azərbaycan Dünyası” və Ukrayna Azərbaycanlıları Konqresi tərəfindən soydaşlarımız arasında aparılan son prezident seçkilərində hansı namizədə səs vermələri ilə sorğunun ümümi cavabı elan ediləcək.



Elnur Eltürk