Bu günlərdə Lumburq Azərbaycan-Belçika Dostluq Cəmiyyətinin təşkilatçılığı ilə Belçikanın Beringen şəhərində “Azərbaycan Folklor Gecəsi” keçirilib. Bu haqda media məlumatı tədbirin təşkilatçısı Ayhan Dəmirçi verib. Ayhan Dəmirçinin açıqlamasına görə, tədbir olduqca izdihamlı keçib və Azərbaycandan gələn Xanlar Bəşirovun, Vusalə Mirzəyin “Azərbaycan Qartaları” adlı rəqs ansamblı möhtəşəm rəqs ifaları ilə tədbir iştirakçılarını məftun ediblər.



Xüsusilə qoşanağarada ustad Həsənağa Sadıqov və tələbələri öz ifaları ilə Belçika insanı valeh etdilər. Gənclərdən təşkil olunan gənc rəqqaslarımız Zülfiyyə xanımın başlığı ilə əsl milli incəsənətimizin ritmik havalarda gözəl nümunələrini nümayiş elətdirdilər. İş gününə baxmayaraq insanlar tədbirdə çox fəal iştirak ediblər və iki saatdan çox davam etdi.



Tədbirdə çıxış edən qonaqlar belə bir tədbiri təşkil etdiyi üçün, Ayhan Dəmirçiyə və Azərbaycan-Belçika Dostluq Cəmiyyətinin fəallarına öz təşəkkürlərini çatdırıblar.Ayhan Dəmirçi isə çıxışında “Bugün Azərbaycan folklorunun incilərindən sayılan milli rəqslərimizin avropada tanıtdırılması üçün, belə bir tədbirlərin böyük əhəmiyyəti olduğunu qeyd edərək, bundan sonrada bu cürnə tədbirlərin müntəzəm olaraq davam edəcəyini bildirib. Bu gün ki tədbirin də möhtəşəm keçməsi bunu göstərdi. Bugün Avropada tanınmağın əsas yolu mədəniyyətimizin sistemli şəkildə təbliğatından keçir “. deyə Ayhan Dəmirçi bildirib.



Tədbirdə Azərbaycanın Belçikada səfirliyinin əməkdaşları, avropada fəaliyyət göstərən diaspor təşkilatlarının başqan və fəallarıda iştirak ediblər. Ayhan bəy tədbirə dəstək olduqlarına görə

Azərbaycanın Belcikadakı səfirliyinə Azərbaycan-Belcika Dostluk Cəmiyyəti adından təşəkkürlərini çatdırıb.