Ayhan Dəmirçi: “Biz Avropada Azərbaycan mədəniyyətini, milli incəsənətini təbliğ etməklə bu, yolla ermənilərin planlı şəkildə apardığı milli sərvətlərimiz “erməniləşdirmək” siyasətinin qarşısını almış olarıq”



Tədbirin keçirilməsi haqda məlumatı “Təzadlar”a eksklüziv olaraq gecənin təşkilatcısı, Limburq Azərbaycan-Belçika Dostluq Cəmiyyətinin başqanı, fəal diasporçu Ayhan Dəmirçi verib. Ayhan Dəmirçinin bildirdiyinə görə, tədbir 2 iyun 2010 ci ildə Belçikanın Limburq dairəsində baş tutacaq. Tədbirdə Belçikada fəaliyyət göstərən azərbaycan-türk diaspor nümayəndələri, Azərbaycanın Belçikadakı səfirliyinin əməkdaşlarının iştirakı gözlənilir. Gecədə “Azərbaycan Qartalları”adlı rəqs ansamblı öz bacarıqlarını nümayiş etdirəcəklər.



Sonra Ayhan Dəmirçi fikirlərini davam etdirirək bunları bildirdi: ” Biz bugün Avropada sistemli olaraq Azərbaycan mədəniyyətini, milli incəsənətini təbliğ etməklə bu, yolla ermənilərin planlı şəkildə apardığı milli sərvətlərimiz “erməniləşdirmək” siyasətinin qarşısını almış olarıq” deyə Ayhan Dəmirçi qeyd etdi.



Sonda fəal diasporçu bu yöndə, milli tədbirlərin Belçikada davamlı şəkildə olacağını bildirdi. Təşkilatçı avropada yaşayan soydaşlarımızın tədbirdə fəal iştirak etməsinə dəvət etdi.



Elnur Eltürk