DUİ-yə daxil olan partiyalarla Müsavat arasındakı növbəti məsləhətləşmənin tarixi müəyyən olundu







Vüqar Bəyturan:” 4-lərin görüşü ilə bağlı mövqeyimiz DUİ SŞ tərəfindən dəstəkləndi “







DUİ Sədrlər Şurasının bu gün keçirilən toplantısında Müsavat Partiyası ilə növbəti məsləhətləşmənin tarixi və yeri Müsavat Partiyasının başqanı İsa Qəmbərlə razılaşdırılaraq, müəyyən edilib. MQP başqanı və DUİ SŞ üzvü Vüqar Bəyturanın sözlərinə görə, görüş 27 may tarixində, saat 14-də, KXCP qərərgahında keçiriləcək. Görüşdə dairələr üzrə namizədlərin razılaşdırılması istiqamətində ilkin yekun nəticələrin müəyyən və elan olunacağı gözlənilir. MQP lideri onu da vurğulayıb ki, son günlər 4-lər formatı kimi təıqdim olunan Müsavat, ADP, AXCP və KXCP sədrlərinin görüşü ətrafında da müzakirələrin aparılacağı istisna edilmir. “Biz bu görüşü müxalifətin birliyinə zərbə kimi qiymətləndirmişdik, müttəfiqlərimizi bu prosesdə iştirak etməməyə çağırmışdıq və DUİ SŞ bu gün öz toplantısında sözügedən görüşün format kimi qəbul olunmasını düzgün hesab etməməklə mövqeyimizi dəstəklədi”-deyən Vüqar Bəyturan YAP-ın süpürgəçisi ilə danışıqlara getməyə hazır olduğunu bəyan edən, amma hətta o səviyyədə belə qəbul edilməyən partiya ilə bir sırada dayanmanın heç bir siyasi qüvvəyə şərəf gətirməyəcəyini açıqlamasının sonunda qeyd edib.











Mətbuat Xidmətinin



rəhbəri: Kənan Göytürk







--------------------------------------------------------------------------------