№016/458 24 may 2010-cu il



Mətbuat Xidmətinin



Məlumatı







MQP 4-lərin görüşünü müxalifətin birliyinə zərbə kimi qiymətləndirib və müttəfiqlərini bu prosesdə iştirak etməməyə çağırıb







MQP SŞ:”Dağlıq Qarabağda qanunsuz seçkilərə son qoymaq üçün bəyənat vermək əvəzinə hakimiyyət işğal altında olan torpaqların azad edilməsinə başlamalıdır ”







MQP Siyasi Şurasının növbəti toplantısı keçirilib. Toplantıda ilk olaraq 22 may 2006-cı ildə fars molla rejiminin qətlə yetirdiyi şəhid Güney Azərbaycan türklərinin xatirəsi anılıb və soydaşlarımızın milli haqqlarını tapdayan rejim MQP SŞ üzvləri tərəfindən lənətlənib. SŞ-da ölkəni bürüyən təbii fəlakətin səbəb və nəticələri ilə bağlı MQP başqanının müşaviri Ziyadxan Nəbibəylinin məruzəsi dinlənilib. Qondarma “Dağlıq Qarabağ Respublikası”nda separatçı rejimin qanunsuz və antikonstitusion parlament seçkiləri keçirməsini pisləyən MQP SŞ bu cür bədnam əməllərə son qoymaq üçün hər dəfə bəyənat vermək əvəzinə hakimiyyəti işğal altında olan torpaqların azad edilməsinə başlamağa çağırıb. MQP SŞ 2011-ci ildə qardaş Türkiyə Cumhuriyyətində keçiriləcək Böyük Turan Qurultayında iştirak etmək barədə də qərar qəbul edib. Müxalifət daxilində baş verən prosesləri, o cümlədən birlik axtarışlarını dəyərləndirən partiya rəhbərliyi DUİ-yə daxil olan partiyalarla Müsavat Partiyası arasında imzalanmış niyyət protokoluna sadiqliyini bir daha ifadə etməklə, bütün tərəfləri sözügedən sənədə uyğun addımlar atmağa dəvət edib. MQP SŞ 4-lərin (Müsavat, AXCP, KXCP, ADP) görüşünü müxalifətin birliyinə zərbə kimi qiymətləndirib və müttəfiqlərini bu prosesdə iştirak etməməyə çağırıb.











Mətbuat Xidmətinin



rəhbəri: Kənan Göytürk