Mətbuat Xidmətinin



Məlumatı







MQP “Azadlıq” blokunun mitinqinin zorakılıqla dağıdılmasını pislədi



Asif Ozan:”Qarabağ probleminin xalqdan gizli şəkildə həlli legitim sayıla bilməz”







MQP Siyasi Şurasının növbəti toplantısı keçirilib. Toplantıda ölkə ərazisində baş verən daşqınlar, kütləvi etiraz tədbirinin dağıdılması, Qarabağ probleminin həlli ətrafında aparılan danışıqların mahiyyətinin xalqdan gizlədilməsi, 21 may mitinqinə hazırlıq və digər məsələlər ətrafında müzakirələr aparılıb. Müzakirə olunan məsələlər barədə məlumat verən MQP Böyük Məclisinin başqanı Asif Ozan Siyasi Şura üzvlərinin 15 may tarixində “Azadlıq” bloku tərəfindən keçirilən aksiyada iştirak edən MQP üzvlərinə təşəkkür ifadə etdiyini və sözügedən aksiyanın hakimiyyətin qəddarcasına dağıtmasını kəskin şəkildə pislədiyini deyib. MQP funksionerinin sözlərinə görə, SŞ daşqınların səbəbini araşdırmaq üçün ictimai komissiya yaradılması ideyası ilə çıxış edib. MQP rəhbərliyi hakimiyyəti Qarabağ probleminin həlli ətrafında aparılan danışıqların mahiyyətini xalqa açıqlamağa çağırıb və ictimaiyyətə məlum olmayan hər hansı razılaşmanın legitim sayıla bilməyəcəyini vurğulayıb. Asif Ozan bildirib ki, toplantının sonunda 21may tarixində DUİ-yə daxil olan partiyaların(MQP, KXCP, Azadlıq, AXP, BAP) və Müsavat Partiyasının təşkilatçılığı ilə keçiriləcək mitinqə hazırlıq məsələlərini ilə bağlı müzakirələr aparılıb, müvafiq tapşırıqlar verilib.











Mətbuat Xidmətinin



rəhbəri: Kənan Göytürk