Bugün MHP Lideri sayın Dr. Devlet BAHÇELİ Azerbaycan”dan gelen Ümid Partisi Genel Başkan yardımcısı Taleh ALİYEV, DAK(Dünya Azerbaycanlıları Kongresi) Gençlik Kolları Başkanı Seymur HASANLI ve TURAN-SAM(TURAN Stratejik Araştırmaları Merkezi) Genel Başkanı Hayri ÜSTÜN”ü makamında kabul etmiştir.







Görüşmede, TURAN-SAM ile Gazi Üniversitesinin ortaklaşa gerçekleştireceği 1. Büyük TURAN(Türk Dünyası) Kurultayı meselesi müzakere edilmiştir. Ayrıca gündeme Karabağ sorunu, Ermeni açılımı ve diğer güncel konular getirilmiştir.



---



Dövlət Baxçalı Azərbaycandan gələn qonaqları qəbul etdi

I Böyük Turan Qurultayına hazırlıq prosesi ilə əlaqədar Türkiyədə səfərdə olan Ümid Partiyası ideoloji – təbliğat və gənclərlə iş üzrə sədr müavini Taleh ƏLİYEV və qurultaya hazırlıq üzrə təşkilat komitəsinin rəhbəri, Dünya Azərbaycanlıları Konqresi Gənclər Təşkilatının başqanı və “Yeni Nəfəs” qəzetinin qurucusu və yönətim başqanı Seymur HƏSƏNLİ Türkiyə səfəri çərçivəsində görüşlərinə start verdi.

Bu gün, may ayının 10-da ilk görüş Milliyətçi Hərəkat Partiyasının başqanı sayın Dövlət BAXÇALI ilə keçirildi. Görüşdə qurultaya hazırlığın gedişatı ilə əlaqədar məlumat verən Turan Strateji Araşdırmalar Mərkəzinin başqan yardımçısı Hayri Üstün Azərbaycandan gəlmiş qonaqları təqdim etdi. Çıxış edən Seymur Həsənli qurultaya Azərbaycanda olan maraq və təşkilat komitəsinin apardığı işlər barəsində Dövlət bəyi məlumatlandırdı. “Biz bundan sonra da Azərbaycan üzrə bütün milli qüvvələrlə bu prosesi davam etdirəcəyik. Qurultayın hazırlıq işlərinə ilk diqqət göstərən Ümid Partiyası olduğundan hazırki səfərimizi birlikdə həyata keçiririk. Düşünürük ki, atılacaq hər bir addım Turana doğru bir addım olacaq və bizi müqəddəs ideala doğru aparacaq”

Daha sonra Taleh Əliyev çıxış edərək Türkiyə - Ermənistan sərhədlərinin açılmasına etiraz edən türk xalqının ümumi iradəsini ifadə edən Milliyətçi Hərəkat Partyasına və onun başqanı Dövlət Baxçalıya öz təşəkkürünü bildirdi və qurultayla bağlı öz təkliflərini çatdırdı:

“Çox yaxşı olardı ki, bu qurultayda Türk dünyasının ən ağrılı problemləri olan Doğu Türküstan, Kərkük və Güney Azərbaycan türklərinin mücadiləsinə dəstək nümayiş olunsun. Qondarma erməni soyqırımına qarşı erməni faşistlərinin törətdiyi Xocalı soyqırımı ilə bağlı dünya dövlətlərinə müraciət qəbul olunsun.”

Qonaqlara dəyərli fikirlərinə göə öz təşəkkürünü bildirən sayın Dövlət Baxçalı türk gəncliyinin milli ideallar uğrunda mübarizə aparmasından məmnunluğunu bildirdi. Azərbaycan –Türkiyə münasibətləri ilə bağlı isə qed etdi ki, “Bütün fəaliyyətimiz boyu Azərbaycanın maraqlarını diqqət mərkəzində saxlamışıq. Sizlər Azərbaycanda öskürəndə, bizlər Tükiyədə vərəm oluruq.”

Sonda qonaqlarla rəsim çəkdirən sayın Dövlət Baxçalı Azərbaycan – Türkiyə dostluğunun rəmzi olan döş nişanlarını qonaqlara hədiyyə etdi. Öz növbəsində Seymur Həsənli Azərbaycanda millətçi gəncliyin nəşr etdiyi “Yeni Nəfəs” qəzetini Dövlət bəyə təqdim etdi. Bir saata yaxın sürən görüş qarşlıqlı maraq doğuran fikir mübadilsi ilə davam etdi.



Ekler