Məlum olduğu kimi 2011-ci il mart ayının 15-22-si tarixində Türkiyənin Ankara şəhərində I BÖYÜK TURAN QURULTAYI keçirilməyi planlaşdırılmışdır. Qurultayın Azərbaycan üzrə təşkilat komitəsinin rəhbəri Dünya Azərbaycanlıları Konqresinin Gənclər Təşkilatının başqanı və Yeni Nəfəs qəzetinin qurucusu və yönətim başqanı Seymur HƏSƏNLİ seçilmişdir. Artıq Azərbaycan üzrə təşkilat komitəsi fəaliyyətinə start vermişdir. Məsələyə ilk münasibət bildirən siyasi partiya Ümid Partiyası olmuşdur. Bu səbəbdən 2010-cu il may ayının 8-15 tarixində Seymur Həsənli və Ümid Partiyasının ideoloji təbliğat və gənclər üzrə başqan yardımçısı Taleh ƏLİYEV Türkiyəyə səfər edəcəkdir. Səfər Turan Strateji Araşdırmalar Mərkəzinin başqanı Elnur Həsən MİKAYIL tərəfindən dəvət əsasında gerçəkləşir. Bu müddətdə müxtəlif millətçi çevrələrlə və strateji araşdırmalar mərkəzlərinin başqanları, millət vəkilləri, ülkü ocaqları, professorlarla görüşlər planlaşdırılmışdır.

Qurultay haqqında qısa məlumat : I Böyük TURAN Qurultayı 15-22 Mart, 2011 tarixində Türkiyənin Ankara şəhərində təşkil ediləcək. Böyük TURAN Qurultayında iştirak edəcək quruluşlar: TURANSAM, Qazi Universiteti, Ülkü Ocaqları Təhsil və Mədəniyyət Vəqfi, Türk Dünyası Araşdırmaları Vəqfi, TÜRKSOY, TİKA, Xaric Türklər Başqanlığı, Ankara Ticarət Otağı, Milliyyətçi Hərəkat Partiyası, Böyük Birlik Partiyası, Böyük Turan Partiyası, Dünya Azərbaycanlıları Konqresi (DAK) Gənclər Təşkilatı, Orta Asiyadan 5 Müstəqil Türk Dövlətinin müxtəlif quruluşları, digər avtonom Türk dövlətlərindən nümayəndələr, ABŞ, Yaponiya və Avropa Birliyində fəaliyyət göstərən Türk dərnəklərindən nümayəndələr və təxminən 250 dünya dövlətindən müşahidəçi və nümayəndələr.