№013/45 06 may 2010-cu il

Mətbuat Xidmətinin

Məlumatı



Demokratiya Uğrunda İttifaq Mitinq Komitəsi yaradacaq



Vüqar Bəyturan:”Birgə mitinq üçün ən optimal gün 28 may tarixidir”



Məlum olduğu kimi, Demokratiya Uğrunda İttifaqın (DUİ) Sədrlər Şurasının son toplantısında Müsavat Partiyasının sözügedən quruma 21 may tarixində birgə mitinq keçirilməsi barədə təklifinə müsbət cavab verilib. Qərara alınıb ki, DUİ təşkilatçı qismində aksiyada iştirak etsin və qurumun Mitinq Komitəsi yaradılsın. Eyni zamanda DUİ SŞ Xalq Partiyasının DUİ-Müsavat məsləhətləşməsində iştirakını dayandırmasından təəsüfləndiyini bildirib və müxalifət qüvvələrini qarşıdakı parlament seçkilərində vahid siyahı ilə birgə iştiraka çağıran bəyənat qəbul edib.

DUİ SŞ-nın qərarlarını şərh edən Milli Qurtuluş Partiyasının başqanı, DUİ SŞ üzvü Vüqar Bəyturan qeyd olunan məsələlər barədə geniş müzakirələrin aparıldığını qeyd etməklə yanaşı, birgə mitinq keçirilməsi məsələsində yekdil qərar qəbul edildiyini bildirib. MQP liderinin sözlərinə görə, DUİ SŞ-da müxalifətin bütün cinahlarının birgə mitinq keçirməsi və uğurlu tarix kimi 28 may müstəqillik gününün seçilməsi haqqında da təkliflər səsləndirilib. Müzakirə iştirakçıları 15may tarixində “Azadlıq” blokunun və 21 may tarixində Müsavat Partiyasının elan etdikləri mitinqləri təxirə salaraq, DUİ, Müsavat və “Azadlıq” blokunun birlikdə 28 may tarixində birgə mitinq çağırmaq variantını optimal yol kimi qiymətləndirib. Vüqar Bəyturan vahid siyahı ilə seçkilərə qatılma barədə çağırış xarakterli bəyənatı şərh edərək bildirib ki, DUİ-dəki 5partiya belə hesab edir ki, hakimiyyətin saxtakarlıq planlarını pozmaq və seçki öncəsi situasiyanı dəyişmək üçün mütləq vahid siyahı ilə seçkilərdə iştirak etmək vacibdir, DUİ bu mövqeyin gerçəkləşməsini özünün prioritetlərindən biri hesab edir.



Mətbuat Xidmətinin

rəhbəri: Kənan Göytürk