Eldəniz Elgün: ”Türk Evi” nin əsas məqsədi türk dünyası arasında mənəvi-ideoloji birliyi gücləndirməkdir"

14:07



Bu günlərdə yeni yaranan özündə ideoloji-maarifləndirici və elmi araşdırmaları rəhbər tutan "Türk Evi” nin oplantısı keçirilib. Bu haqda Dünya Azərbaycanlıları Konqresi Strateji Araşdırmalar Mərkəzinə məlumatı qurumun qurucularından olan, tanınmış jurnalist Eldəniz Elgün verib:



Eldəniz Elgün qəzetimizə verdiyi açıqlamasında yeni yaranan qurum haqqında bu fikirləri bildirib: Bu yeni yaranan qurumdur və qurumun fəaliyyət istiqaməti sırf ideoloji təbliğatı və elmi araşdırmaları özündə daşıyacaqdır. Quruma fərdi və ya təşkilat şəkilində də üzv olmaq mümkündür. Ancaq qurumun üzvü olmadan da fəaliyyət göstərmək olar. Bizim üçün əsas məqsəd qurumun üzvlərinin sayını artırmaq deyil, intellektual və öz sahəsinin peşəkarı olan insanların bir araya gətirməkdir. Düşünürük ki, belə görüşlərin keçirilməsi içtimai düşüncəyə və elmimizin inkişafına müsbət mənada təsiri ola bilər. Fəaliyyətimizdə elmi araşdırmalara üstünlük verəcəyik. Bizdə bugün hərşeyşünaslıq elmi geniş yayılmaqdadır. Bu qorxulu tendensiyadır. Hesab edirik ki, hərə öz sahəsi ilə məşğul olsa, o insan ölkəmizə, vətənimizə böyük xeyri dəyər.



Qurumun gələcəkdə web saytı, 36 səhifədən ibarət qəzetin çap olunması nəzərdə tutulur və bu, istiqamətdə işlər gedir.



Eldəniz bəy onuda qeyd etdi ki, hazırda quruma maraq böyükdür və keçirilən tədbirində güclü olması bunu göstərdi. Xüsusilə gənclərdə quruma böyük bir həvəs var. Tarixi araşdırmalarla bağlı tanınmış antropoloq-alim Kərəm Məmmədovun rəhbəliyi ilə maraqlı təkliflərlə çıxış edəcəyik. Təkcə, tarix elmi ilə yox, ədəbiyyat, poeziya, fəlsəfə, sosialogiya, psixologiya, iqtisadiyyat elmləri ilə bağlı ciddi diskusiyaları aparılacaqdır.



İndiyə kimi Azərbaycanda türkçülük ideyalarını təbliğ edən bir çox qurumlar yaranıb və ancaq onların fəaliyyətlərində zəiflik müşahidə olunub və ya müəyyən dövrdən sonra fəaliyyətlərinə son qoyurlar sualına tanınmış jurnalist belə cavab verdi ki, bunun bir sıra obyektiv və subyektiv səbəbləri var. Hər şeydən öncə yaranan qurumlar fəaliyyətlərində sistemliyi və qurumun məntiqi-fəlsəfəsini düzgün tutmalıdırlar. Bunu etməyən təşkilatların ömürləri uzun olmur. Biz neçə illərdir ki, bu tendensiyanın baş verdiyini gözlərimizlə görmüşük və belə halların yaşanması ümumilikdə cəmiyyətimizdə təşkilatlara neqativ təsir edir.



Çalışmaq lazımdır ki, yeni yaranan təşkilatlara intellektual bazanı cəlb etmək və onların təcürəbəsində yararlanmaq lazımdır. Mənim fikrim hamının fikrindən üstündür, mən nə deyirəmsə hamısı düzdür ritorikasında uzaq durmaq lazımdır. Cox təəssüflər olsun ki, bizdə yaranan qurumların əksəriyyəti populizm xəttini tuturlar və nəticədə bir müddətdə sonra fəaliyyətlərini dayandırırlar. Biz belə fəaliyyət göstərmək istəmirik və öz sahəsinin bilicisi olan aydınlarımızın, gənclərimizin təcrübəsində müraciət edəcəyik. İnanırıq ki, qurumun əsas ana devizini və səmimi ünsiyyətimizi rəhbər tutmaqla yuxarıda dediyimiz ideyaları reallaşdıra biləcəyik və səbrlə, hesablanmış addımlarla hədəfə doğru addımlacayıq.