Yeni Nəfəs Gənclər Hərəkatının təşkil etdiyi "Bütöv Azərbaycan məktəbi” layihəsinin eyni adlı təliminin növbəti dərsi aprel ayının 3-də baş tutdu. Mühazirə "Türkçülük və Türk Dünyası" başlıqlı mövzuya həsr olunmuşdu.

"Bütöv Azərbaycan məktəbi”nin bu dəfəki mühazirəçi qonağı "Yeddi Dövlət - Bir Millət" Kültür və Dayanışma Dərnəyinin baş təmsilçisi, jurnalist və www.yalquzaq.com portalının rəhbəri Azər Həsrət oldu.

Yeni Nəfəs GH-nin sədri Mehman Həsənin Türk Dünyası haqqında verdiyi məlumatla başlanan dərsdə Azər bəy Türk Dünyası və onun bugünkü durumu haqqında dolğun məlumat verdi. Eyni zamanda Türk insanının, Türk gəncliyinin hazırki fəaliyyəti barədə çıxış edən mütəxəssis Turan birliyinin qurulmasının bugünkü gənclərin çiyinlərində olduğunu bildirdi.

Mühazirənin sonunda məktəb iştirakçıları bəhs edilən məsələlərlə bağlı mühazirəçiyə suallar yönəltdilər. Azər Həsrət ona ünvanlanan sualları ətraflı şəkildə cavablandırdı. Beləliklə, dərs disskusiya şəklində davam etdi.

Yeni Nəfəs İ.M