DAK informasiya mərkəzinə daxil olan məlumata əsasən Azərbaycanla Türkiyə arasında viza rejiminin ləğv olunması üzərində iş gedir. Bu barədə Azərbaycanın xarici işlər naziri Elmar Məmmədyarov jurnalistlərə açıqlamasında bildirib. XİN rəhbəri bildirib ki, sazişin hazırlanmasında bəzi bürokratik problemlər var, onlar aradan qaldırılandan sonra, saziş imzalanacaq. Nazir bu sənədin bu il imzalanacağını istisna etməyib. Azərbaycanla Avropa İttifaqı arasında «Şərq Tərəfdaşlığı» proqramı çərçivəsində assosiativ sazişin imzalanması ilə bağlı sualı cavablandıran nazir bu sahədə Brüsselə danışıqların aparıldığını söyləyib. «Müzakirə olunacaq xeyli məsələ var», - deyə nazir vurğulayıb.ANS