№ 09/451 12 mart 2010-cu il

Mətbuat Xidmətinin

Məlumatı

Milli Qurtuluş Partiyası ilə MFGH arasında hər hansı bağlılıq yoxdur





Vüqar Bəyturan:”MQP statusuna görə gənclər təşkilatları ilə əməkdaşlıq etmir, o cümlədən MFGH ilə də hər hansı əməkdaşlığımız gözlənilmir”



Son günlər bəzi mətbuat orqanlarında yeni bərpa edilmiş Milli Fikir Gənclər Hərəkatının Milli Qurtuluş Partiyası tərəfindən yaradılması və gəncləri partiyaya cəlb etmək məqsədi daşıması barədə həqiqətə uyğun olmayan informasiyalar yer alır. Bu xəbərlərə aydınlıq gətirilməsi üşün Mətbuat Xidmətimizin əməkdaşları MQP başqanı Vüqar Bəyturanla əlaqə yaradıb. MQP lideri yayılan dezinformasiyalarla bağlı aşağıdakıları deyib: ”İlk öncə onu qeyd edim ki, MFGH-nin partiyamızla bağlılığı barədə informasiyaların yayılması məqsədli xarakter daşıyır və heç bir məntiqə, reallığa, hüquqi və siyasi əsasa malik deyil. Bizim öz gənclər təşkilatımız var, digər gənclər qurumları ilə əməkdaşlıq məsələlərini onlar həll edir. MQP statusuna görə gənclər təşkilatları ilə əməkdaşlıq etmir, o cümlədən MFGH ilə də hər hansı əməkdaşlığımız gözlənilmir. Bəzi MQP üzvləri yeni yaranan gənclər təşkilatında təmsil olunurlar deyə, bu qurumu bizimlə əlaqələndirmək düzgün deyil”.

Əməkdaşımızın MFGH-da təmsil olunan MQP üzvlərinin partiyadakı fəaliyyətinə xitam verilib-verilməyəcəyini dəqiqləşdirmək məqsədilə verdiyi sualı cavablandıran Vüqar Bəyturan MFGH-nın ictimai təşkilat olduğu üçün bu quruma üzv olan MQP üzvlərinin partiya Nizamnaməsinə zidd hərəkət etmədiklərinə görə hər hansı cəza ilə üzləşməyəcəyini deyib. MQP başqanı onu da əlavə edib ki, gələcəkdə MFGH siyasi istiqamətdə addımlar atsa və bu MQP-nin siyasi xətti ilə ziddiyyət təşkil etsə, sözügedən qurumda təmsil olunan MQP üzvlərinə iki təşkilat arasında seçim etmək təklifi olunacaq.





Mətbuat Xidmətinin

rəhbəri: Kənan Göytürk