DAK Gənclər Təşkilatının fəaliyyətə başlayan Diskussiya Klubu tələbələr arasında xüsusi marağa səbəb olmuşdur. İkinci mövzu kifayət qədər aktual olan məsələlərdən biri Soyad sonluqlarının milliləşdirilməsinə həsr olunmuşdur. Diskussiyanı giriş sözü ilə açan Seymur Həsənli həmin günün Azərbaycanın qurucusu, banisi Məmməd Əmin Rəssulzadənin anım günü olduğunu qeyd etdi. Bir dəqiqəlik sükutla başlayan diskussiyada Rəsulzadə fenomeni haqqında qısa məlimat verildi.

DAK Gənclər Təşkilatının sədr müavini Hüseyn Günəşli soyadın tarixi əhəmiyyətinə toxundu. Soyadın tarixən də, bu gün də milli kimliyin tanınmasında əsas amil olduğunu qeyd etdi. Sonra söz meydan iştirakçılarına verildi. Elşən Ədilov –can sonluğunun qəbul olunmasına müsbət mənada yanaşdığnı bildirdi. Əsas mübahisə qəbul olunacaq qərarda bir sonluğun, yoxsa seçim imkanın verilməsi üzrərində quruldu. Mehman Həsən, Ruslan İzzətli bir sonluğun model olaraq qəbul olunmasına tərəf çıxdılar. Əsas kimi dünyada hansı sonluqla tanınmağı əsas şərt kimi gətirdilər. Nərmin Məmmədli, Orxan Əlirzayev isə seçim imkanının verilməsini məqbul saydılar. Həm yaşlı nəslin fikrini əsas gətirdilər, həm də bəzi soyadlarda –lı, li, lu, lü şəkilçisinin uyğunsuz olduğunu bildirdilər. Zümrüd Rzazadə isə milliləşmənin gənc nəslə hesablandığını əsas gətirərək, yaşlı nəsildə könüllü xarakter daşdığını diqqətə çatdırdı. Müdaxilə edən Cavid Barış –ov, ev sonluğunun da türk mənşəli olduğunu faktlarla sübut etdi. Bundan sonra Ruslan Əhmədovun müdaxiləsi mübahisənin gərginləşməsinə səbəb oldu. Ruslan bəy bu cür qanunun qəbulu ilə hər kəs bir sonluq seçəcəksə elə -ov, ev sonluğunun qalması daha yaxşıdır söylədi. Şagird Mirismayıl Seyidov əgər –ov sonluğu bizimdirsə niyə yenisni qəbul edirik deyə müraciət etdi. Nərmin Məmmədli müdaxilə edərək təkliflərin hər birinin təbii ki, türk millətinə məxsusluğunu bildirdi. Amma bunu dünyanın nə qədər əhalisi bilir? Tarix başqa, siyasət başqa deyən Nərmin Məmmədli tarixdə olanı kiməsə sübut edə bilsəydik Xocalı soyqırımı edərdik. Təklifə Qulusoy İsmayıl, Dilşad Səmədova tərəfindən dəstək gəldi.

Sonda verilən və gəlinən qərar bu oldu ki, ən birinci məsələ hazırda rus sonluğu kimi qəbul olunan və tanınan sonluqdan imtina olunmasıdır. Əsas odur ki, qəbul olunan qərar da göstərilənlər milli sonluqlar olsun.